Azərbaycan Jurnalistlər Birliyinin sədri Hacı Hacıyev diplomun təqdim olunması mərasimində vurğulamışdır ki, bu, səhmdar cəmiyyətin KİV-lə əlaqələrinin fəallaşdırılması, genişləndirilməsi və möhkəmləndirilməsi, respublika energetiklərinin mətbu orqanının - 1992-ci ildən Mingəçevirdə nəşr edilmiş “Azərbaycan işıqları” qəzetinin yenidən buraxılması işində xidmətlərinin qiymətləndirilməsi əlamətidir.

“Azərenerji”nin mətbuat xidməti kütləvi informasiya vasitələrində energetika sisteminin geniş işıqlandırılması sahəsində planlı işlər aparır. Hər ay bu məqalələrin ən yaxşıları müəyyənləşdirilir və müəlliflərə xatirə hədiyyələri verilir, milli energetika sistemi üçün xüsusi əhəmiyyəti olan obyektlərə müntəzəm jurnalist briqadaları göndərilir.