“AZƏRENERJİ” ÖLKƏMİZİN İŞGAL OLUNMUŞ ƏRAZİLƏRİNƏ ELEKTRİK ENERJİSİ VERMİR

“Azərenerji” Səhmdar Cəmiyyətindən AZƏRTAC-a bildirmişlər ki, Azərbaycanın elektroenergetika sistemi vasitəsilə Ermənistan tərəfindən işğal olunmuş Dağlıq Qarabağ ərazisi elektrik enerjisi ilə təmin olunmur. Ona görə də bəzi kütləvi informasiya vasitələrinin yaydığı məlumat tamamilə əsassızdır. Əvvəla, Azərbaycanın nəzarətində olmayan bu ərazilərin elektrik enerjisi ilə təmin etməyə “Azərenerji”nin heç bir haqqı yoxdur. İkincisi, hazırda “Azərenerji”nin Dağlıq Qarabağa elektrik enerjisi ötürməsi texniki cəhətdən mümkün deyildir. Belə ki, işğaldan əvvəl bu əraziləri enerji ilə təmin edən 330 kilovoltluq Ağdam, 110 kilovoltluq Xankəndi və Martuni elektrik xətləri ermənilər tərəfindən sökülmüşdür.