“AZƏRİQAZBANK” SƏHMLƏRİNİN YERLƏŞDİRİLMƏSİ ÜÇÜN HƏRRAC KEÇİRİLMİŞDİR

Bakı Fond Birjasında “Azəriqazbank” Səhmdar Bankının dövlət qeydiyyat nömrəsi 1060097B olan adlı sənədsiz səhmlərinin yerləşdirilməsi üçün hərrac keçirilmişdir.

Birjanın mətbuat xidmətindən AZƏRTAC-ın müxbirinə bildirmişlər ki, hərracda iki iştirakçı olmuşdur. Sifarişlərin ümumi həcmi nominal üzrə 1 milyard manat təşkil etmişdir. Satılmış səhmlərin həcmi nominal üzrə 1 milyard manat olmuşdur. Yerləşdirilməmiş 4 milyard manat məbləğində səhmlər hər gün Bakı Fond Birjasında satışa çıxarılacaqdır.