“AZƏRREYL” “FOPPAPEDRETTİ” İLƏ GÖRÜŞƏ HAZIRLAŞIR

AZƏRTAC xəbər verir ki, fevralın 8-də Çempionlar Liqası turnirinin pley-off mərhələsində İtaliyanın “Foppapedretti” komandası ilə qarşılaşacaq Azərbaycanın qadınlardan ibarət “Azərreyl” voleybol klubu təlim məşqlərini başa vurmaq üzrədir.

Türkiyə və İsveçrədə keçirilən toplanışlarda “Azərreyl” bir neçə yoxlama oyununda qüvvəsini sınamışdır.

Klubun mətbuat xidmətinin rəhbəri Zöhrab Gözəlbəylinin sözlərinə görə, İsveçrədə yerli “Volero” klubu ilə keçirilən son yoldaşlıq oyununda Faiq Qarayevin yetirmələri 3:1 hesabı ilə qələbə qazanmışlar.

“Foppapedretti” ilə oyunda isə “Azərreyl”in əsas oyunçularından biri olan Kseniya Kovalenko müəyyən səbəblərə görə komandaya kömək edə bilməyəcəkdir.