AZƏRTAC xəbər verir ki, noyabrın 30-də Avropanın qadın voleybol klubları arasında çempionlar liqasının qrup oyunları çərçivəsində IV turun görüşləri keçirilmişdir.

“Azərreyl” komandası Bakı İdman Sarayında İspaniya çempionu “Tenerife” klubunu qəbul etmişdir. Gərgin idman mübarizəsi şəraitində keçən oyun 3:1 hesabı ilə (25:23, 25:20, 10:25, 25:17) Azərbaycan voleybolçularının xeyrinə başa çatmışdır.

Xatırladaq ki, qrup oyunları çərçivəsində İtaliyanın “Pallavolo Sirio” klubuna 3:2, Xorvatiyanın “Mladost” və İspaniyanın “Tenerife” komandalarına 3:1 hesabı ilə qalib gələn, Türkiyənin “Vakifbank” klubuna 2:3 hesabı ilə uduzan baş məşqçi Faiq Qarayevin yetirmələri hazırda 7 xalla turnir cədvəlində ilk yerlərdən birini tuturlar.