İDMAN


Abdullah Zubir Premyer Liqada 50-ci oyununu keçirib

Bakı, 1 dekabr, AZƏRTAC

Ağdamın “Qarabağ” futbol klubunun yarımmüdafiəçisi Abdullah Zubir Premyer Liqada 50-ci oyununu keçirib.

AZƏRTAC Peşəkar Futbol Liqasının saytına istinadla xəbər verir ki, yarımmüdafiəçi yubileyini “Səbail”lə XI turun səfər matçında (1:1) qeyd edib. A.Zubir Azərbaycan çempionatında yalnız bir klubun – Ağdam təmsilçisinin şərəfini qoruyub. Fransalı futbolçu 50 oyunda 14 qol vurub. Debütü 2018-2019-cu il mövsümünə təsadüf edən A.Zubir 23 oyunda 6 dəfə fərqlənib. Ötən çempionatın 19 görüşündə 5 dəfə fərqlənən yarımmüdafiəçi cari mövsümdə 8 matçda 3 qola sevinib.

Qeyd edək ki, A.Zubir Premyer Liqada 2018-ci il sentyabrın 14-də “Sumqayıt”la ev matçında (1:0) debüt edib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.