İDMAN


Abşeron Olimpiya İdman Kompleksində badminton zalı istifadəyə verilib

Bakı, 6 iyul, AZƏRTAC

Dünya Badminton Günü ilə əlaqədar Abşeron Olimpiya İdman Kompleksində Azərbaycan Badminton Federasiyası, DOST İnklüziv İnkişaf və Yaradıcılıq Mərkəzinin birgə əməkdaşlığı, Gənclər və İdman Nazirliyinin dəstəyi ilə badminton zalı istifadəyə verilib.

Azərbaycan Badminton Federasiyasının mətbuat xidmətindən AZƏRTAC-a bildiriblər ki, zalda eyni vaxtda 50-ə yaxın şəxsə badminton məşqlərinin keçirilməsi nəzərdə tutulur.

Abşeron Olimpiya İdman Kompleksinin nəzdində fəaliyyət göstərəcək badminton zalı həm də gələcəkdə parabadminton üzrə milli komandamızın formalaşması üçün baza rolunu oynayacaq. Zal ətraf ərazilərdə yaşayan sakinlərin məşqlərə qatılmasına əlverişli şərait yaradacaq.

Qeyd edək ki, DOST İnklüziv İnkişaf və Yaradıcılıq Mərkəzinin benefisiarları üçün Azərbaycan Badminton Federasiyasının məşqçiləri tərəfindən mütəmadi olaraq badminton təlimləri təşkil olunur.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.