REGİONLAR


Abşeron idmançıları ötən il 256 medal qazanıblar

Xırdalan, 11 fevral, Ətrabə Rzayeva, AZƏRTAC

Son illər Azərbaycan idmançılarının beynəlxalq yarışlarda qələbələri davamlı xarakter alıb. Əldə olunan nailiyyətlərdə abşeronlu idmançıların da payı var. Onlar keçən il beynəlxalq yarışlarda 45 qızıl, 24 gümüş və 25 bürünc medal əldə ediblər.

Bu barədə AZƏRTAC-a müsahibəsində Abşeron Rayon Gənclər və İdman İdarəsinin rəisi Əsgər Əmirəliyev məlumat verib.

Onun sözlərinə görə, rayonda 6300 nəfərə yaxın yeniyetmə və gənc idmanın 28 növü ilə məşğul olur. Ötən il rayon gəncləri 10 respublika tədbirində, 30 beynəlxalq və 48 respublika idman yarışında iştirak edib. Abşeronlu gənclər idman yarışlarında 256 medal qazanıblar. Onlar 11 xarici ölkədə keçirilən beynəlxalq yarışlardan 45 qızıl, 24 gümüş və 25 bürünc medalla geri dönüblər.

İdarə rəisi xüsusilə vurğulayıb ki, 2018-ci ildə Hacı Əliyev Rusiyada keçirilən sərbəst güləş üzrə Avropa çempionatında qızıl medal qazanaraq beşqat Avropa çempionu olub. Xırdalan şəhər 1 saylı tam orta məktəbin şagirdi 12 yaşlı Ümid Aslanov isə Qazaxıstanda keçirilən şahmat üzrə beynəlxalq turnirdə qızıl medal əldə edib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.