CƏMİYYƏT


Abşeron rayonunda keçmiş məhkum avtomobil qaçırıb

Bakı, 21 oktyabr, AZƏRTAC 

Abşeron Rayon Polis İdarəsinə müraciət edən Masazır qəsəbə sakini V.Məmmədov sentyabrın 15-nə keçən gecə “VAZ-2107” markalı avtomobilinin qəsəbə ərazisindən qaçırıldığını bildirib.

Daxili İşlər Nazirliyinin mətbuat xidmətindən AZƏRTAC-a bildiriblər ki, əməliyyat-axtarış tədbirləri nəticəsində nazirliyin “Təhlükəsiz Şəhər” Xidmətinin əməkdaşları avtomobilin oktyabrın 20-də saat 08:30-da Xətai rayonu ərazisində hərəkətdə olduğunu aşkarlayıblar.

Nəqliyyat vasitəsini qaçırmaqda şübhəli bilinən Bakı şəhər sakini, əvvəllər məhkum olunmuş İ.İbrahimov Abşeron Rayon Polis İdarəsinin və Xətai Rayon Polis İdarəsinin 37-ci polis bölməsinin əməkdaşları tərəfindən görülmüş tədbirlərlə avtomobillə birgə saxlanılıb.

Faktla bağlı araşdırmalar davam etdirilir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.