REGİONLAR


Abşeron rayonunda qışa hazırlıq məsələləri müzakirə edilib

Xırdalan, 7 dekabr, Ətrabə Rzayeva, AZƏRTAC

Abşeron rayonunda əhalinin keyfiyyətli elektrik enerjisi, su və təbii qazla təminatı hər zaman diqqət mərkəzində saxlanılır. Qış mövsümü ilə əlaqədar bu məsələlər daha da aktuallaşıb.

AZƏRTAC xəbər verir ki, Xırdalan şəhərində Abşeron Rayon İcra Hakimiyyəti başçısı yanında Şuranın geniş tərkibdə iclası keçirilib. İclasda rayonun idarə, müəssisə və təşkilatlarının payız-qış mövsümünə hazırlığı, əhalinin fasiləsiz elektrik enerjisi və təbii qazla təminatı məsələləri geniş müzakirə olunub.

Rayon icra hakimiyyətinin başçısı İradə Gülməmmədova çıxışında bildirib ki, elektrik enerjisi və təbii qaza tələbatı ödəmək, təmirə ehtiyacı olan yaşayış binalarını müəyyənləşdirmək, təhsil və səhiyyə müəssisələrini normal istiliklə təmin etmək, su-kanalizasiya xətlərinin hazırlıq vəziyyətini araşdırmaq, mövsüm ərzində bu növ xidmətlərlə əlaqədar ortaya çıxa biləcək digər problemləri aradan qaldırmaq məqsədi ilə işçi qrupları, konkret tədbirlər planı hazırlanaraq əlaqədar xidmət təşkilatlarına göndərilib. Sakinlərin təbii qaz, elektrik enerjisi və içməli su təminatında heç bir problem olmamalı, havaların soyuması kommunal və xidmət təşkilatlarının işində fasilələr yaratmamalıdır.

Şura iclasında çıxış edən idarə, müəssisə və təşkilat rəhbərləri növbəti payız-qış mövsümünə görülən hazırlıq işləri, qarşıda duran vəzifələr barədə məlumat veriblər.

İclasda aidiyyəti təşkilat rəhbərlərinə konkret tapşırıqlar verilib.

İradə Gülməmmədova rayon ərazisində məişət tullantılarının yığılması, daşınması, yerləşdirilməsi və zərərsizləşdirilməsi sisteminin müasir standartlara uyğun qurulması və idarə edilməsi ilə bağlı da tapşırıq və tövsiyələrini çatdırıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.