REGİONLAR


Abşeron rayonundakı məktəbəqədər təhsil müəssisələrinin fəaliyyətə başlaması üçün hazırlıq işləri görülür

Xırdalan, 4 sentyabr, Ətrabə Rzayeva, AZƏRTAC

Abşeron rayonunda körpələr evi-uşaq bağçalarının fəaliyyətə başlaması istiqamətində hazırlıq işləri görülür.

Bu barədə AZƏRTAC-a rayon icra hakimiyyətinin mətbuat xidmətinin rəhbəri Seymur Qasımov məlumat verib.

Bildirilib ki, Nazirlər Kabineti yanında Operativ Qərargahın qərarına əsasən, oktyabrın 1-dən uşaq bağçalarının tam açılması nəzərdə tutulur. Bununla əlaqədar olaraq rayon ərazisindəki dövlət məktəbəqədər təhsil müəssisələrində müvafiq sanitar-gigiyenik normalara və xüsusi karantin rejiminin tələblərinə əməl edilməklə dezinfeksiya işləri aparılıb.

Uşaq bağçalarının tərbiyəçiləri və texniki işçiləri iş yerlərində geniş təmizlik, iməcilik, tibbi-profilaktik işlər görüb. İşçi heyət hazırkı şəraitdə işləmək qaydaları barədə təlimatlandırılıb. Məktəbəqədər təhsil müəssisələrinin həyətləri, yataq, oyun, mətbəxləri və digər otaqları təmizlənib. Otaqların havalandırılması və təlimata uyğun dezinfeksiyası üçün tədbirlər həyata keçirilib.

Bundan əlavə, bağçalar xüsusi dezinfeksiyaedici məhlullarla təmin olunub və məktəbəqədər müəssisələr fəaliyyətə başladığı zaman onlar bağçanın girişinə qoyulacaq. Bağçalar açıldıqdan sonra xüsusi karantin rejiminin tələblərinə uyğun şəkildə fəaliyyət göstərəcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.