REGİONLAR


Abşeronda uşaq bağçalarının açılması ilə əlaqədar hazırlıq işləri görülür

Xırdalan, 12 fevral, Ətrabə Rzayeva, AZƏRTAC

Abşeron rayonunda məktəbəqədər təhsil müəssisələrinin fəaliyyətə başlaması üçün lazımi hazırlıq işləri görülür.

Bu barədə AZƏRTAC-a Abşeron Rayon İcra Hakimiyyətinin mətbuat katibi Seymur Qasımov məlumat verib.

Bildirilib ki, fevralın 15-dən uşaq bağçalarının açılması nəzərdə tutulur. Bununla əlaqədar olaraq rayon ərazisindəki məktəbəqədər təhsil müəssisələrində müvafiq sanitar-gigiyenik normalara və xüsusi karantin rejiminin tələblərinə əməl edilməklə dezinfeksiya və deratizasiya işləri aparılıb.

Uşaq bağçalarının tərbiyəçiləri və texniki işçiləri hazırkı şəraitdə işləmək qaydaları barədə təlimatlandırılıb. Məktəbəqədər təhsil müəssisələrinin həyətləri, yataq, oyun, mətbəx və digər otaqlar təmizlənib. Otaqların havalandırılması və təlimata uyğun dezinfeksiyası üçün tədbirlər görülüb. Bundan əlavə, bağçalar xüsusi dezinfeksiyaedici məhlullarla təmin olunub.

Bağçaların istilik sistemi yoxlanılıb, elektrik və su xətlərində olan nasazlıqlar aradan qaldırılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.