REGİONLAR


Abşerondakı Məmmədli məscidi əsaslı təmir olunacaq

Məmmədli, 8 iyul, Ətrabə Rzayeva, AZƏRTAC

Abşeron rayonundakı tarixi abidələrdən biri də Məmmədli məscididir. 18-ci əsrdə inşa edilmiş bu abidə keçmiş Sovet hakimiyyəti dövründə müxtəlif məqsədlər üçün istifadə olunub. Sonuncu dəfə isə məscid 1984-cü ildə təmir olunub.

AZƏRTAC xəbər verir ki, Abşeron rayon icra hakimiyyətinin başçısı İradə Gülməmmədova Məmmədli kənd məscidinin vəziyyəti ilə yaxından tanış olub. Məscidin təmiri ilə əlaqədar müvafiq təşkilatlara göstəriş verilib. Bildirilib ki, tezliklə təmirlə bağlı layihə-smeta sənədləri hazırlanacaq. Təmir işləri zamanı məscidin ilkin görünüşünə xələl gətirməmək üçün mütəxəssislər cəlb ediləcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.