REGİONLAR


Abşeronun gənc musiqiçiləri Gürcüstandan qayıdıblar

Xırdalan, 21 oktyabr, Ətrabə Rzayeva, AZƏRTAC

Xırdalan şəhər 11 illik Musiqi Məktəbinin və Mehdiabad Uşaq Musiqi Məktəbinin kollektivləri Gürcüstandan qayıdıblar. Kollektiv Tbilisidəki M.F.Axundzadə adına Azərbaycan Mədəniyyəti Muzeyində Azərbaycanın Dövlət Müstəqilliyi Günü münasibətilə təşkil olunan konsertdə iştirak edib.

Məktəbin direktoru, Əməkdar müəllim İkram Manafov AZƏRTAC–a bildirib ki, gənc musiqiçilər əvvəlcə Azərbaycan xalqının ümummilli lideri Heydər Əliyevin Tbilisi şəhərindəki büstünü ziyarət edib, önünə tər güllər düzərək, xatirəsini ehtiramla anıblar.

Azərbaycanın Gürcüstandakı səfiri Dursun Həsənovun da iştirak etdiyi tədbirdə çıxış edən Muzeyin direktoru, Əməkdar mədəniyyət işçisi Leyla Əliyeva 18 oktyabrın Azərbaycan tarixindəki yeri və rolu barədə məlumat verib, müstəqil Azərbaycanın bu gün çiçəkləndiyini, qüdrətləndiyini və möhkəmləndiyini, dünyada layiqli yer tutduğunu qeyd edib.

Tədbir konsert proqramı ilə davam edib. Abşeronlu məktəblilərin ifasında xalq və bəstəkar mahnıları səsləndirilib və milli rəqslərimiz nümayiş olunub.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.