İQTİSADİYYAT


Əbu-Dabidə “OPEC plus” nazirlərinin Birgə Monitorinq Komitəsinin 16-cı iclası keçirilir

Bakı, 12 sentyabr, AZƏRTAC

Sentyabrın 12-də Əbu-Dabidə OPEC və qeyri-OPEC ölkələrinin nazirlərinin Birgə Monitorinq Komitəsinin (JMMC) 16-cı iclası işə başlayıb.

AZƏRTAC xəbər verir ki, iclasda OPEC-in Baş katibi Məhəmməd Sanusi Barkindo, Səudiyyə Ərəbistanının Energetika, Sənaye və Təbii Sərvətlər naziri Xalid Əbdüləziz Əl Falih və Rusiyanın Energetika naziri Aleksandr Novakın çıxışları dinlənilib. Yığıncaqda neft bazarındakı son vəziyyət, inkişaf meyilləri, neftin qiymətinə və neftə qlobal tələbatda artıma təsir edən amillər, “OPEC plus” ölkələri üzrə öhdəliklərin icra göstəriciləri müzakirə olunur.

İclasda Azərbaycan da təmsil edilir.

Xatırladaq ki, ötən il dekabrın 7-də “OPEC plus” üzrə neft hasilatının gündəlik 1,2 milyon barrel azaldılması ilə bağlı imzalanmış “Əməkdaşlıq Bəyannaməsi”nin müddəti bu il iyulun 1-dən 2020-ci ilin ilk rübünün sonunadək uzadılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.