DÜNYA


Əbu-Dabidə ölkə ərazisinə düşən meteoritin axtarışlarına başlanılıb

Əbu-Dabi, 11 mart, AZƏRTAC

Birləşmiş Ərəb Əmirliklərinin Astronomiya Mərkəzi yerlı sakinlərə martın 5-də “Əl Vathba” rayonunun cənubundakı səhralığa düşən meteoritin axtarışında kömək etmələri üçün müraciət edib.

AZƏRTAC yerli KİV-ə istinadla xəbər verir ki, meteoritin düşməsini iki nəzarət məntəqəsinin kameraları qeydə alıb.

Astronomiya Mərkəzindən bildiriblər ki, meteorit Yer kürəsinin, ayın və ulduzların geoloji tarixinin öyrənilməsi üçün vacib olan, yaşı günəş sisteminin yaşından çox ola biləcək hissəciklərdən ibarət ola bilər. Qeyd olunur ki, meteoritin diametri 1-3 santimetrdir və çəkisi iki qramdan 10 qrama qədərdir.

Hal-hazırda astronomlar meteoritin düşmə ehtimalı olan 15 kilometr ərazıdə axtarış aparırlar və ümid edirlər ki, meteorit yolun yaxınlığına düşüb, bu da axtarışları yüngülləşdirə bilər.

Asya Hacızadə

AZƏRTAC-ın xüsusi müxbiri

Əbu-Dabi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.