DÜNYA


Əbu-Dabidə polisin nümunəvi davranışı hollandiyalı turist qadını İslam dinini qəbul etməyə ruhlandırıb

Əbu-Dabi, 16 sentyabr, AZƏRTAC

Birləşmiş Ərəb Əmirliklərinə gəlmiş hollandiyalı turist qadın polisin nümunəvi davranışı nəticəsində İslam dinini qəbul edib.

AZƏRTAC Əbu-Dabi polisinin bəyanatına istinadla xəbər verir ki, Əbu-Dabi polisinin tolerantlığından və sivil yanaşmasından ürəkdən təsirlənən turist Kristina Dafano müsəlman olmaq qərarına gəlib və kəlmeyi-şəhadətini söyləyəndən sonra adını dəyişərək Nura edib.

Bəyanatda qeyd edilir ki, turst qadın böyük Şeyx Zayed məscidi ilə maraqlanaraq oraya getmək istəyimiş. Polis turist qadını nəinki oraya yönəldib, həm də məscid idarəsi ilə qadının yanına gəlib ona İslamda dözümlülük və dinc yanaşı yaşamaq ideyaları barədə danışılması üçün əlaqə saxlayıb.

Polis polkovniki Əhməd Al Mazraui Əbu-Dabidə təhlükəsizliyin möhkəmləndirilməsi məqsədilə polislərin dözümlülüyü peşə standartına çevirmək cəhdini xüsusilə vurğulayıb.

Asya Hacızadə

AZƏRTAC-ın xüsusi müxbiri

Əbu-Dabi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.