CƏMİYYƏT


Əcnəbilər və vətəndaşlığı olmayan şəxslər arasında sorğular keçiriləcək

Bakı, 24 iyun, AZƏRTAC

Azərbaycan Respublikasında miqrasiya siyasətinin yeni dövrün tələblərinə uyğunlaşdırılması, miqrasiya idarəçiliyinin müasir çağırışlara uyğun təkmilləşdirilməsi, eləcə də miqrasiya proseslərinin inkişafa müsbət təsirinin daha da artırılması məqsədilə Dövlət Miqrasiya Xidməti (DMX) tərəfindən mütəmadi olaraq müxtəlif tədbirlər həyata keçirilir.

DMX-dən AZƏRTAC-a bildiriblər ki, bu silsilədən olan tədbirlərdən biri kimi miqrasiya idarəçiliyinin ölkəmizdə əcnəbilərə və vətəndaşlığı olmayan şəxslərə təsirini təhlil etmək və bu təhlil əsasında təkmilləşdirmələr aparmaq məqsədilə həmin kateqoriyadan olan şəxslər arasında anonim sorğuların keçirilməsi nəzərdə tutulur. Sorğu vərəqələri Azərbaycan, ingilis və rus dillərində hazırlanıb.

Dövlət Miqrasiya Xidməti ölkəmizdə miqrasiya siyasətinin və idarəçiliyinin təkmilləşdirilməsinə töhfə vermək istəyən əcnəbiləri və vətəndaşlığı olmayan şəxsləri sorğularda onlara münasib dillərdən birini seçməklə iştiraka dəvət edib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.