Əczaçılıq məhsulları və gübrə idxalında artım olub

Bakı, 20 may, AZƏRTAC

Bu ilin yanvar-aprel aylarında 10,9 min ton əczaçılıq məhsulları idxal edilib.

AZƏRTAC Dövlət Gömrük Komitəsinə istinadla xəbər verir ki, idxal edilən əczaçılıq məhsullarının dəyəri 237,9 milyon dollar olub. Xatırladaq ki, 2022-ci ilin eyni dövründə dəyəri 213,7 milyon dollar olmaqla 10,5 min ton əczaçılıq məhsulları idxal edilib.

Hesabat dövründə 37,4 min ton gübrə idxal edilib. İdxal edilən gübrənin dəyəri 25 milyon dollar olub. Ötən ilin ilk dörd ayında isə məbləği 19,4 milyon dollar olmaqla 24,2 min ton gübrə idxal edilib.