CƏMİYYƏT


Ədliyyə naziri Neftçalada vətəndaşların müraciətlərini dinləyib

Ədliyyə naziri Neftçalada vətəndaşların müraciətlərini dinləyib

Bakı, 18 yanvar, AZƏRTAC

Ədliyyə naziri Fikrət Məmmədov bölgə vətəndaşlarının qəbulu məqsədilə yanvarın 18-də Neftçalada səfərdə olub.

Ədliyyə Nazirliyinin mətbuat xidmətindən AZƏRTAC-a verilən məlumata görə, əvvəlcə Ümummilli Lider Heydər Əliyevin abidəsi ziyarət olunaraq önünə gül dəstələri qoyulub, əziz xatirəsinə dərin ehtiram bildirilib.

Sonra Neftçala şəhəri Heydər Əliyev Mərkəzində Ümummilli Liderin həyat və fəaliyyətinin müxtəlif dövrlərini əks etdirən maraqlı eksponatlarla tanışlıq olub.

Azərbaycan Prezidenti İlham Əliyevin tapşırığına və bölgələrdə vətəndaşların qəbulu cədvəlinə uyğun olaraq, Heydər Əliyev Mərkəzində Neftçala, Salyan, Biləsuvar və digər rayonlardan olan vətəndaşların qəbulu keçirilib. Ədliyyə fəaliyyəti ilə bağlı vətəndaşların müraciətləri dinlənilərək qaldırılan məsələlərə dair nazirliyin məsul işçilərinə aidiyyəti tapşırıqlar verilib, bu zaman Vətən müharibəsi iştirakçılarının və şəhid ailələrinin qayğılarına xüsusi həssaslıqla yanaşılıb. Bölgə sakinləri onlara göstərilən diqqət və qayğıya, yerlərdə mütəmadi qəbulların təşkilinə görə ölkə başçısına minnətdarlıqlarını ifadə ediblər.

Səfər zamanı ədliyyə naziri Neftçala rayon icra və probasiya, qeydiyyat və notariat qurumlarının fəaliyyəti və iş şəraiti ilə tanış olub, rayon məhkəməsinə baş çəkib, ədliyyə işçiləri və hakimlərlə görüşüb.

Nazir 2023-cü ilin Ümummilli Lider Heydər Əliyevin 100 illiyi münasibətilə “Heydər Əliyev İli” elan olunması ilə əlamətdar olduğunu, Ulu Öndərin qurub yaratdığı müasir Azərbaycan dövlətinin Prezident İlham Əliyevin rəhbərliyi ilə hərtərəfli uğurlu inkişafını qeyd edib, məhkəmə-hüquq sistemində aparılan mütərəqqi islahatlardan bəhs edib.

Ədliyyə və məhkəmə fəaliyyətinin təkmilləşdirilməsi, məhkəmə qərarlarının ədalətliliyinin və icrasının təmin olunması, vətəndaşların müraciətlərinə daim qayğı ilə yanaşılaraq layiqli xidmət göstərilməsi, icra intizamına və etik-davranış qaydalarına dönmədən əməl olunması ilə bağlı aidiyyəti tapşırıq və tövsiyələr verilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.