MƏDƏNİYYƏT


Afaq Bəşirqızı Musiqili Teatrda pərəstişkarları ilə görüşəcək

Bakı, 21 may, AZƏRTAC

Milyonların sevimli gülüş ustası, “Şöhrət” ordenli Xalq artisti Afaq Bəşirqızı tamaşaçıların xahişi ilə iyunun 5-də Azərbaycan Dövlət Akademik Musiqili Teatrında “Toya bir gün qalmış” ikihissəli komediya ilə çoxsaylı pərəstişkarlarının görüşünə gələcək. Tamaşa axşam saat 19:00-da başlayacaq.

Teatrın mətbuat xidmətindən AZƏRTAC-a bildirilib ki, səhnə əsərinin süjet xəttini qəhqəhə dolu gözlənilməz hadisələrlə zəngin olan bir-birindən maraqlı situasiyalar təşkil edir.

“Toya bir gün qalmış” tamaşasının quruluşçu-rejissoru Əməkdar incəsənət xadimi Əsgər Əsgərov, quruluşçu rəssamı Əməkdar rəssam Nabat Səmədova, musiqi rəhbəri Xalq artisti Ənvər Sadıqov, musiqi tərtibatçısı Emin Həsənov, rejissor assistenti Tamilla Aslanovadır. Tamaşanın quruluşçu baletmeysterləri Əməkdar artistlər Zakir və Yelena Ağayevalardır.

Tamaşalarda Afaq Bəşirqızı ilə yanaşı, sənət ocağının digər sevilən aktyorları iştirak edəcəklər.

Biletləri şəhərin bütün teatr-konsert kassalarından, “ASAN xidmət” mərkəzlərindən, eləcə də, “iticket.az” saytından əldə etmək olar.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.