DÜNYA


Əfqanıstanda partlayış nəticəsində azı səkkiz nəfər həlak olub

Bakı, 13 iyun, AZƏRTAC

Əfqanıstanın Nanqarhar əyalətinin Cəlalabad şəhərində baş verən partlayış nəticəsində ən azı səkkiz nəfər həlak olub, 11 nəfər isə yaralanıb.

AZƏRTAC xəbər verir ki, 1TV telekanalının yerli hakimiyyət orqanlarına istinadla yaydığı məlumata görə partlayıcı qurğu nəzarət-buraxılış məntəqəsinin yaxınlığında intiharçı-terrorçu tərəfindən işə salınıb. Yaralananlar təcili olaraq yaxınlıqda yerləşən xəstəxanalara çatdırılıb.

Hələlik ölkədə fəaliyyət göstərən heç bir qruplaşma partlayışın məsuliyyətini üzərinə götürməyib. Əfqanıstanın hüquq-mühafizə orqanları insidentlə bağlı təhqiqata başlayıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.