DÜNYA


Əfqanıstanda törədilən partlayışın məsuliyyətini “Taliban” hərəkatı üzərinə götürüb

Bakı, 11 dekabr, AZƏRTAC

Əfqanıstanın Pərvan əyalətində NATO-nun aviabazası rayonunda törədilmiş partlayışın məsuliyyətini “Taliban” hərəkatı üzərinə götürüb.

AZƏRTAC Tolo News telekanalına istinadla xəbər verir ki, “Baqram” aviabazasının qarşısında minalanmış avtomobilin partladılması və ardınca başlayan atışma nəticəsində yaralananların sayı 73 nəfərə çatıb, iki nəfər həlak olub. Yaralananların arasında beş gürcüstanlı hərbçinin də olduğu bildirilir. Telekanalın yaydığı məlumata görə, hücum edənlərdən üçü öldürülüb.

NATO-nun Əfqanıstanda fəaliyyət göstərən “Qətiyyətli dəstək” missiyası bəyan edib ki, hücumun hədəfi aviabaza yaxınlığında tikilən tibb müəssisəsi olub.

Əfqanıstanda hökumət qüvvələri və kənd rayonlarında xeyli üstünlüyə yiyələnərək böyük şəhərlər istiqamətində hücumları genişləndirən “Taliban” hərəkatının silahlıları arasında qarşıdurmalar davam edir. Həmçinin ölkədə İŞİD terror qruplaşmasının da fəallığı artır. Əfqanıstanın milli müdafiə və təhlükəsizlik qüvvələri beynəlxalq koalisiyanın hərbi dəstəyi ilə bütün ölkə ərazisində silahlı qruplaşmalara qarşı birgə əməliyyatlar keçirirlər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.