DÜNYA


Əfqanıstanda zəlzələ nəticəsində 255 nəfər həlak olub

Bakı, 22 iyun, AZƏRTAC

Əfqanıstanın cənub-şərqində, Pakistanla sərhəddə yerləşən Paktika əyalətində ötən gecə baş vermiş güclü zəlzələ nəticəsində 255 nəfər həlak olub.

AZƏRTAC xəbər verir ki, bu barədə Aamaj News agentliyi yerli hakimiyyət orqanlarına və xilasedicilərə istinadla məlumat yayıb.

İlkin məlumata görə, təbii fəlakət nəticəsində 100-dən çox insan yaralanıb. Əyalətin Barmal, Ziruk, Nika və Qayan qəzaları daha çox zərər çəkib. Bir neçə ev tamamilə dağılıb. Hazırda fəlakət zonasında axtarış-xilasetmə əməliyyatları davam edir. Bölgəyə paytaxt Kabildən helikopterlərlə dəstək göstərilir.

Zəlzələ Paktika ilə yanaşı, Host, Lahman, Qəzni, Lohar, Kabil və başqa əyalətlərə də təsir göstərib. Taliban hərəkatının Daxili İşlər Nazirliyi zəlzələdən zərər çəkən insanlara yardım göstərilməsi üçün beynəlxalq təşkilatlara müraciət edib.

ABŞ Geoloji Tədqiqatlar Mərkəzi (USGS) əvvəlcə zəlzələnin gücünün 6,1 bal olduğunu bildirmiş, sonradan isə 5,9 bal olaraq yeniləmişdi.

 

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.