DÜNYA


Əfqanıstanın cənubunda taliblər yol-tikinti şirkətinin 33 əməkdaşını oğurlayıb

Bakı, 22 iyun, AZƏRTAC

Əfqanıstanın cənubunda yerləşən Qəndəhar əyalətində “Taliban” hərəkatının döyüşçüləri yol-tikinti kompaniyasının 33 əməkdaşını oğurlayıb.

AZƏRTAC xəbər verir ki, 1TV telekanalının əyalət qubernatorunun nümayəndəsi Davud Əhmədə istinadla yaydığı məlumata görə, hücum nəticəsində, həmçinin 4 nəfər həlak olub, 1 nəfər yaralanıb, 125 nəqliyyat vasitəsi isə məhv edilib.

İnsident iyunun 22-də gecə saatlarında yolun tikilməkdə olan hissəsində baş verib. Əsir götürülənlərin 20-si tikinti kompaniyasının təhlükəsizlik xidmətinin əməkdaşı, 13-ü isə mühəndisdir. Onların aqibəti barədə hələlik heç bir informasiya yoxdur.

Qeyd edək ki, 2014-cü ildə ABŞ hərbi kontingenti Əfqanıstanı tərk etdikdən sonra ölkənin cənub rayonlarının bir çoxu “Taliban” hərəkatının nəzarətinə keçib. Son zamanlar bəzi kənd rayonlarında üstünlüyə yiyələnən taliblər böyük şəhərlər istiqamətində də hücumlarını davam etdirir. Həmçinin regionda İŞİD qruplaşması da aktiv fəaliyyət göstərir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.