“Ağacoyma xəttatlığı örnəkləri” kitabı çapdan çıxıb

Bakı, 5 iyul, AZƏRTAC

AMEA-nın Məhəmməd Füzuli adına Əlyazmalar İnstitutunun əməkdaşı Əməkdar mədəniyyət işçisi Seyfəddin Mənsimoğlunun “Ağacoyma xəttatlığı örnəkləri” kitabı işıq üzü görüb.

İnstitutdan AZƏRTAC-a bildirilib ki, nəşrdə Azərbaycan ağacoyma xəttatlığı sənətini bədii ağacoyma xəttatlığı səviyyəsinə çatdırmış görkəmli rəssam Seyfəddin Mənsimoğlunun həyat və yaradıcılığını özündə əks etdirən məqalələr yer alıb.

Geniş oxucu kütləsi üçün nəzərdə tutulan vəsaitin “Ön söz”ünün müəllifi AMEA-nın vitse-prezidenti akademik İsa Həbibbəyli, rəyçisi Əlyazmalar İnstitutunun baş direktoru akademik Teymur Kərimli, redaktoru sənətşünaslıq üzrə fəlsəfə doktoru Ziyadxan Əliyevdir.