Ağalı kəndində Zəngilan Rayon Polis Şöbəsinin müasir tipli polis sahə məntəqəsi fəaliyyətə başlayıb

Bakı, 30 iyul, AZƏRTAC

Ağalı kəndində asayişin, təhlükəsizliyin, hüquq qaydalarının qorunması üçün Zəngilan Rayon Polis Şöbəsinin müasir tipli polis sahə məntəqəsi fəaliyyətə başlayıb.

Daxili İşlər Nazirliyinin mətbuat xidmətindən AZƏRTAC-a bildiriblər ki, hazırda yeni məntəqədə xidməti vəzifələrin icrası üçün hər cür zəruri şərait yaradılıb, əməkdaşlar müasir texniki və xüsusi avadanlıqla təchiz olunublar.

Qeyd edilib ki, iyulun 19-dan başlanaraq Zəngilanın Ağalı sakinlərinin 30 illik həsrətinə son qoyulub. Mərhələli şəkildə Ağalı sakinləri doğma yurd yerlərinə qayıdıblar. Ağalıda sakinlərin rahatlığı üçün hər cür şərait yaradılıb.