İDMAN


Ağcabədi rayonunda qızlar arasında voleybol üzrə rayon birinciliyi keçirilib

Bakı, 12 aprel, AZƏRTAC

Ağcabədi rayonunda, Mirzə Fətəli Axundov adına şəhər 3 saylı məktəb-liseyin idman zalında qızlar arasında voleybol üzrə rayon birinciliyi keçirilib.

Rayon gənclər və idman idarəsindən AZƏRTAC-a bildiriblər ki, birincilikdə 15 məktəbin komandası mübarizə aparıb. Gərgin və maraqlı idman mübarizəsinin yekununda Səməd Vurğun adına şəhər 4 saylı, Hacıbədəlli kənd və Məmməd Əsədov adına şəhər 5 saylı tam orta məktəblərin komandaları müvafiq olaraq ilk üç pillədə qərarlaşıblar.

Yarışda fəxri kürsüdə yer alan komandaların üzvlərinə Ağcabədi rayon gənclər və idman idarəsinin diplomları təqdim olunub.

Turnir Ağcabədi rayon gənclər və idman idarəsinin və təhsil şöbəsinin birgə təşkilatçılığı ilə keçirilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.