REGİONLAR


Ağcabədidə toxum emalı müəssisəsi inşa edilir

Ağcabədi, 18 iyun, AZƏRTAC

Qarabağ bölgəsində toxumçuların istehsal etdikləri toxum materialının keyfiyyətli və vaxtında emal edilərək əkinə hazırlanması məqsədilə Ağcabədidə Dövlət Toxum Fondunun emal müəssisəsi inşa edilir.

AZƏRTAC-ın bölgə müxbiri xəbər verir ki, Hüsülü kəndi ərazisində inşa edilən dənli bitkilərin emalı zavodu üçün 1,1 hektar ərazi ayrılıb. Burada taxıl təmizləmə bloku, ikimərtəbəli inzibati bina, nəzarət-buraxılış məntəqəsi, tərəzi otağı, anbar, içməli və yanğın əleyhinə su anbarları və sair yaradılır. Zavodun emal bölməsində 5 ədəd toxumtəmizləyici dəzgah quraşdırılacaq. Sonuncu dəzgahdan təmiz halda çıxan toxum dərmanlanaraq kisələrə doldurulacaq.

Saatda 5 ton toxum emal etmək gücünə malik müəssisənin inşasının növbəti taxıl səpininə qədər başa çatdırılması nəzərdə tutulur. Zavodun fəaliyyətə başlaması Qarabağ bölgəsindəki taxıl istehsalçılarının yüksək reproduksiyalı toxumlarla təmin edilməsində vacib rol oynayacaq.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.