İDMAN


Ağdamın “Qarabağ” komandası Antalyada üçüncü yoxlama matçını keçirib

Bakı, 23 yanvar, AZƏRTAC

Yanvarın 23-də Ağdamın “Qarabağ” komandası Türkiyənin Antalya şəhərində davam edən qış təlim-məşq toplanışı çərçivəsində üçüncü yoxlama matçını keçirib.

AZƏRTAC xəbər verir ki, komandamız Polşanın “Pyast” klubu ilə qarşılaşıb və görüşdə 1:1 hesablı heç-heçə qeydə alınıb. Ağdam təmsilçisinin qolunu matçın 15-ci dəqiqəsində Araz Abdullayev vurub.

Oyundan sonra fikirlərini bildirən baş məşqçi Qurban Qurbanov deyib: “Hava şəraitinə görə tam istədiyim oyun olmadı, daha sürətli qarşılaşmanın keçməsini istəyirdim. Amma istənilən halda bu hava şəraiti ilə razılaşmalıyıq. Buna baxmayaraq, 90 dəqiqə planlaşdırdığımız oyunu oynaya bildik. Ola bilsin, bu gün futbolçularda bir az daha çox yüklənmə oldu, bunu da nəzərə alacağıq”.

Qeyd edək ki, bu oyundan əvvəl Macarıstanın “Uypeşt” komandasına 0:1 hesabı ilə məğlub olan “Qarabağ” Çexiyanın “Bohemians” klubuna qalib gəlib - 3:1.

Rumıniya “Botoşani” kollektivi ilə görüş isə əlverişsiz hava şəraiti ilə əlaqədar keçirilməyib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.