REGİONLAR


Ağdaşda cari mövsümdə 49 min tondan çox taxıl istehsal olunub

Ağdaş, 1 iyul, AZƏRTAC

Ağdaş rayonunda taxıl biçini kampaniyası başa çatıb. Builki mövsümdə zəmilərdən 49 min 308 ton məhsul götürülüb.

Rayon Dövlət Aqrar İnkişaf Mərkəzindən AZƏRTAC-ın bölgə müxbirinə verilən məlumatda bildirilir ki, cari ilin məhsulu üçün 17 min 83 hektar sahədə taxıl yetişdirilmişdi. İstehsal olunan məhsul ötən ildəkindən 4724,8 ton çox olub. Hər hektarda orta məhsuldarlıq da 3 sentner artıb və 29 sentnerə çatıb.

Rayonun əksər ərazilərində, xüsusilə Yuxarı Nemətabad, Ərəbocağı, Kotavan, Ərəb və bir sıra digər ərazi nümayəndəliklərində daha yüksək məhsuldarlığa nail olunub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.