REGİONLAR


Ağdaşda gənc rəsm həvəskarlarının əl işlərindən ibarət sərgi açılıb

Ağdaş, 29 yanvar, AZƏRTAC

Ağdaşda rayon Gənclər və İdman və Regional Mədəniyyət idarələrinin nəzdində fəaliyyət göstərən Rəsm Qalereyasının birgə təşkilatçılığı ilə Mədəniyyət Mərkəzinin qarşısında 2 Fevral - Azərbaycan Gəncləri Gününün təsis edilməsinin 25 illiyi münasibətilə Gənclər və İdman Nazirliyi tərəfindən elan olunan “Gənclər həftəsi” çərçivəsində “Gənclər Günü-25” mövzusunda istedadlı və yaradıcı gənclərin əl işlərindən ibarət rəsm sərgisi açılıb.

Rayon Gənclər və İdman İdarəsindən AZƏRTAC-ın bölgə müxbirinə bildirilib ki, əvvəlcə ölkəmizin müstəqilliyi, torpaqlarımızın bütövlüyü uğrunda canlarından keçərək şəhid adını qazanan igid, qəhrəman Vətən oğullarının xatirəsi bir dəqiqəlik sükutla yad edilib.

Sərgidə 28 gənc rəsm həvəskarının çəkdiyi 40-a yaxın əl işi nümayiş olunub. Gənclərin təqdim etdikləri rəsmlər tamaşaçılar tərəfindən maraqla qarşılanıb. Sonda sərgidə iştirak edən gənc rəsm həvəskarlarına Azərbaycan Gəncləri Gününün təsis edilməsinin 25 illiyi münasibətilə fəxri fərmanlar və hədiyyələr verilib.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.