REGİONLAR


Ağdaşda intensiv üsulla becərilən yeni bağlar salınıb

Ağdaş, 9 sentyabr, AZƏRTAC

Ağdaş rayonu yerli torpaq-iqlim şəraitinə uyğun bağçılıq təsərrüfatına malikdir. Burada bağların sahəsi ildən-ilə genişləndirilir və son vaxtlar salınan yeni bağlar əsasən intensiv üsulla becərilir.

Rayon statistika idarəsindən AZƏRTAC-ın bölgə müxbirinə bildirilib ki, cari ildə 29,2 hektarda yeni bağlar salınıb. Bunun 23,5 hektarı və ya 80,5 faizi intensiv üsulla becərilən bağlardır. Bu bağların 6,5 hektarı alma, 6 hektarı gavalı, 6 hektarı gilas, qalanı isə xurma və alça sahələridir. Yeni bağlar daha çox rayonun Qolqəti, Dəhnəxəlil və Ağcayazı kəndlərinin ərazilərində əkilib.

Qeyd edək ki, hazırda Ağdaşda 3060,5 hektar bağ sahəsi var. Sakinlər son illər heç də az gəlir verməyən bağçılıq təsərrüfatının genişləndirilməsində çox maraqlıdırlar.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.