İDMAN


Ağır atlet Kənan Əliquliyev Avropa çempionatında çıxış etdiyi qrupda üçüncü olub

Bakı, 10 aprel, AZƏRTAC

Batumidə keçirilən kişilər və qadınlar arasında ağır atletika üzrə Avropa çempionatı davam edir.

AAAF-dan AZƏRTAC-a bildiriblər ki, aprelin 10-da Azərbaycan idmançısı Kənan Əliquliyev körpücük üzərinə çıxıb. O, 81 kiloqram çəki dərəcəsində C qrupunda yarışıb. Atletimiz iki hərəkətin cəmində 306 kiloqram nəticə ilə (135+171) öz qrupunda üçüncü yeri tutub. Onun yekun sıralamada tutduğu yer A və B qruplarında mübarizə başa çatandan sonra məlum olacaq.

Ümumilikdə 42 ölkədən 401 atletin (187 qadın və 214 kişi) iştirak etdiyi yarışda Azərbaycan yığma komandası altı idmançı ilə qatılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.