REGİONLAR


Ağstafada 15 İyun - Milli Qurtuluş Günü ilə bağlı sərgi təşkil olunub

Ağstafa, 13 iyun, Elcan Məmmədov, AZƏRTAC

İyunun 12-də Ağstafa rayonunda 15 İyun - Milli Qurtuluş Günü münasibətilə ümumrayon tədbiri keçirilib.

AZƏRTAC-ın bölgə müxbirinə verilən məlumata görə, tədbir iştirakçıları öncə Heydər Əliyev adına mədəniyyət və istirahət parkında xalqımızın Ümummilli Liderinin abidəsini ziyarət edərək, önünə gül dəstələri düzüblər. Bayram münasibətilə Ağstafa rayon İcra Hakimiyyətinin dəstəyi və Ağstafa Regional Mədəniyyət İdarəsinin təşkilatçılığı ilə açıq hava şəraitində qurulmuş sərgidə ulu öndər Heydər Əliyevin zəngin həyat və fəaliyyətini əks etdirən kitablar, istedadlı uşaqların çəkdikləri rəsmlər, eləcə də tarixi-mədəni eksponatlar nümayiş etdirilib. Bayram konserti təşkil olunub.

Konsertdə Ağstafa rayon Uşaq Musiqi Məktəbinin şagird və müəllimlərinin, yerli mədəniyyət və incəsənət nümayəndələrinin təqdimatında Heydər Əliyevə həsr olunmuş mahnılar ifa edilib, şeirlər səsləndirilib və rəqs nömrələri nümayiş etdirilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.