CƏMİYYƏT


Ağstafada evdən icazəsiz çıxan koronavirus xəstələri saxlanılıb

Bakı, 2 dekabr, AZƏRTAC

Ağstafa Rayon Polis Şöbəsinin əməkdaşları koronavirusa yoluxmuş şəxslərin yaşadıqları evləri qanunsuz tərk etmələrinə qarşı fasiləsiz tədbirlər həyata keçirirlər.

Daxili İşlər Nazirliyinin mətbuat xidmətinin Gəncə regional qrupundan AZƏRTAC-a bildiriblər ki, polis əməkdaşları tərəfindən aparılan müvafiq araşdırmalar nəticəsində rayonun Dağkəsəmən kənd sakinləri Məmməd Heydərov və həyat yoldaşı Gülnarə Heydərovanın koronavirus testlərinin nəticələrinin pozitiv çıxmasını bilə-bilə, özünütəcrid tədbirlərinə uyğun davranmalı, digər şəxslərlə az təmasda olmalı, insanların sıx toplaşdıqları yerlərə getməməli olduqları halda yaşadıqları evi tərk etmələri aşkarlanıb. Həmin şəxslər müəyyən edilmiş tibbi prosedurlar gözlənilməklə evə göndərilib.

Onların barələrində rayon polis şöbəsində araşdırmalar davam etdirilir.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.