REGİONLAR


Ağsuda indiyədək 2300 tondan çox meyvə və giləmeyvə yığılıb

Ağsu, 3 avqust , AZƏRTAC

Ağsu rayonunda meyvə və giləmeyvə yığımı davam edir. Rayonda indiyədək 2361 ton məhsul istehsal olunub ki, bu da əvvəlki ilin müvafiq dövrü ilə müqayisədə 234 ton çoxdur.

Rayon statistika idarəsindən AZƏRTAC-ın bölgə müxbirinə verilən məlumatda bildirilib ki, hazırda Ağsuda 3274 hektar meyvə bağı var. Bağların 3227 hektarı məhsuldardır. Bu il rayonun əksər ərazilərində, xüsusilə dağlıq Kalva, Nuran, dağətəyi və aran ərazilər olan Bozavand, Pirhəsənli, Ərəbmehdibəy, Kəndoba və bir sıra digər icra nümayəndəliklərində bol meyvə yetişdirilib. Artıq hər yerdə alça, gilas, tut yığımı başa çatıb. Hazırda gavalı, göyəm və şaftalı yığılır. Bağlarda bol alma, armud, nar, əzgil, xurma, fındıq da yetişdirilir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.