Bakı, 23 yanvar (AZƏRTAC). Ötən il Azərbaycandakı mövcud avtonəqliyyat vasitələrinin sayı əvvəlki illə müqayisədə 98,3 min artaraq, 1.135,9 min ədəd təşkil etmişdir.

Dövlət Statistika Komitəsindən AZƏRTAC-a bildirmişlər ki, əhalinin hər min nəfərinə düşən avtomobillərin sayı son 5 ildə 1,4 dəfə artaraq 124 ədəd olmuşdur. Avtomobillərin 84,4 faizi minik, 11,4 faizi yük avtomobilləri, 2,6 faizi avtobus, qalan hissəsi isə xüsusi təyinatlı və digər avtomaşınlardır.