CƏMİYYƏT


Ahıl şəxslər üçün Sosial xidmət müəssisəsində 50 nəfər oftalmoloji müayinədən keçib

Bakı, 28 may, AZƏRTAC

Mayın 27-də akademik Zərifə Əliyeva adına Milli Oftalmologiya Mərkəzi Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyinin Ahıl şəxslər üçün Sosial xidmət müəssisəsində oftalmoloji aksiya keçirib.

Mərkəzin elmi-məlumat, tədris və təşkilati-metodik bölməsindən AZƏRTAC-a verilən xəbərə görə, aksiya çərçivəsində 50 nəfər müayinə olunub.

Müayinələr zamanı pasiyentlərdə refraksiya patologiyası, katarakta və s. göz xəstəlikləri aşkarlanıb.

Aksiyanın keçirilməsində əsas məqsəd pasiyentləri vaxt itirmədən, operativ şəkildə yerindəcə müayinə və müalicə etmək, korluğun qarşısını almaq, görmə patologiyasının erkən diaqnostikasını aşkar etməkdir.

Müayinələr Milli Oftalmologiya Mərkəzinin həkimləri - Lalə Məmmədova və Gülmin Əhmədova tərəfindən aparılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.