İDMAN


“Əhmədli Yunayted” komandası “Bahar turniri”nin qalibi olub

Bakı, 9 may, AZƏRTAC

AFFA-nın təşkilatçılığı ilə 12 yaşadək qız futbolçular arasında “Bahar turniri” keçirilib.

AZƏRTAC xəbər verir ki, “Aura” idman kompleksinin qapalı meydançasında keçirilən turnirdə 74 yeni qız futbolçu qeydiyyata alınıb.

“Əhmədli Yunayted” komandası turnirin qalibi olub. “Baku Sporting” və “Şimal" (Xaçmaz) komandaları ilk üçlükdə yer alıblar.

Mükafatçı komandalara diplom və medallar, qalibə isə kubok təqdim olunub. Mükafatları AFFA-nın Kütləvi futbol departamentinin rəhbəri Fərrux İsmayılov, qadın futbolçulardan ibarət A milli komandanın baş məşqçisi Siyasət Əsgərov, U-17 yığmamızın çalışdırıcısı Zamir Həsənov, U-15 seçməmizin baş məşqçisi Nərgiz Qurbanova və Qadın futbolu departamentinin rəisi Əminə Həsənova təqdim edib. Yeddi qolla “Bakinka” komandasının üzvü Sara Səlimova turnirin ən məhsuldar oyunuçusu, “Baku Sporting” komandasından Aydan Nəsrullayeva ən yaxşı futbolçu, “Şimal”ın (Xaçmaz) qolkiperi Qızılgül Dadaşova isə turnirin ən yaxşı qapıçısı seçilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.