DÜNYA


”AirBaltic” aviaşirkətinin təyyarələrinə Latviya şəhərlərinin adları veriləcək

Riqa, 5 dekabr, AZƏRTAC

Latviyanın “AirBaltic” aviaşirkəti 14-cü “Airbus A220-300” təyyarəsini alıb.

AZƏRTAC xəbər verir ki, “AirBaltic” Latviyanın beynəlxalq reytinqini daha da yüksəltmək məqsədi ilə ölkənin 100 illiyi şərəfinə 14 “Airbus A220-300” təyyarəsinə Latviya şəhərlərinin adlarını verib.

Aviaşirkətin icraçı direktoru Martin Qauss deyib ki, Latviyanın aparıcı brendi olan aviaşirkət ölkəni dünyada daha geniş təbliğ etməyə çalışır. Şəhərləri səsvermə yolu ilə seçiblər. Bütövlükdə 98 mindən çox səs toplanıb. Sesis şəhəri 9183 səslə birinci yeri tutub. Onun ardınca Aluksne, Valmiyera, Kuldiqa, Smiltene, Oqre, Livanı, Bauska, Qulbene, Riqa, Yelqava, Liyepaya, Yurmala və Siqulda şəhərləri gəlir.

 

Aygün Əliyeva

AZƏRTAC-ın xüsusi müxbiri

Riqa

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.