ELM VƏ TƏHSİL


Akademik :Elmi tədqiqatlarda riyazi modelləşdirmədən geniş istifadə olunmalıdır

Bakı, 13 yanvar, AZƏRTAC

Elmi tədqiqatlarda riyazi modelləşdirmədən geniş istifadə olunmalıdır.

Bu fikri Azərbaycan Milli Elmlər Akademiyasının (AMEA) akademik-katibi, İnformasiya Texnologiyaları İnstitutunun direktoru, akademik Rasim Əliquliyev institutun elmi şurasının növbəti iclasında səsləndirib.

İnstitutdan AZƏRTAC-a bildirilib ki, akademik struktur bölmələrin 2017-ci il üzrə əldə etdiyi elmi nəticələr haqqında məlumat verib. Bildirilib ki, hesabat ilində institut əməkdaşları tərəfindən informasiya texnologiyaları və informasiya cəmiyyətinin elmi-nəzəri problemləri istiqamətində aparılan araşdırmaların nəticələri dünyanın nüfuzlu elmi jurnallarında nəşr olunub. Həmçinin institutda elmi-praktiki konfrans və seminarlar keçirilib, müxtəlif problemləri əhatə edən model və metodlar təklif edilib.

Alim 2017-ci il ərzində institutun müxtəlif beynəlxalq qurum və assosiasiyalarla əməkdaşlıq qurduğunu, beynəlxalq layihələrdə, regional telekommunikasiya şəbəkəsinin yaradılmasında iştirak etdiyini, xarici alimlərlə birgə elmi tədqiqatların aparıldığını, xarici səfərlərin, görüşlərin keçirildiyini diqqətə çatdırıb.

Tədbirdə, həmçinin institutun doktorantura və dissertanturasına qəbul məsələləri müzakirə olunub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.