ELM VƏ TƏHSİL


Akademik İsa Həbibbəyli Türkmənistanın müstəqilliyinin 30 illik yubileyinə həsr olunan tədbirdə iştirak edib

Bakı, 25 iyun, AZƏRTAC

AMEA-nın vitse-prezidenti, akademik İsa Həbibbəyli Türkmənistan Prezidenti Qurbanqulu Berdiməhəmmədovun təşəbbüsü, Türkmənistan Elmlər Akademiyası və Türkmənistan Təhsil Nazirliyinin təşkilatçılığı ilə keçirilən “Elm, texnika və innovativ texnologiyaların inkişafı” mövzusunda onlayn beynəlxalq konfransda iştirak edib.

Bu barədə AZƏRTAC-a AMEA-dan bildirilib. Türkmənistanın müstəqilliyinin 30 illik yubileyinə həsr olunan tədbirdə akademik İ.Həbibbəyli “Azərbaycan-Türkmənistan əlaqələri: tarixi ənənələr və müasir dövr” mövzusunda məruzə ilə çıxış edib.

Qeyd edək ki, konfransa Rusiya, Belarus, Qazaxıstan, Özbəkistan, İran, Yaponiya, Çin, Cənubi Koreya, Almaniya, Niderland və Polşadan akademiyaların, elmi qurumların, innovasiya mərkəzlərinin rəhbərləri qatılıb.

Tədbir çərçivəsində nanotexnologiya, kimya texnologiyası, yeni materiallar, biotexnologiya, molekulyar biologiya, ekologiya, kənd təsərrüfatı, kompüter texnologiyaları, müasir tibb texnologiyaları, innovativ iqtisadiyyat və humanitar elmlərə həsr edilmiş seksiyalar keçirilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.