MƏDƏNİYYƏT


Akademik Musiqili Teatr Novruz günlərində maraqlı tamaşalar göstərəcək

Bakı, 16 mart, AZƏRTAC

Azərbaycan Dövlət Akademik Musiqili Teatrı Novruz bayramı günlərində beş tamaşa ilə teatrsevərlərin görüşünə gələcək.

Qurumun mətbuat xidmətindən AZƏRTAC-a bildirilib ki, teatrda mart ayının 22-də “Amerikalı kürəkən”, 23-də Ü.Hacıbəylinin “O olmasın, bu olsun”, 24-də isə “Arşın mal alan” tamaşaları təqdim olunacaq.

Tamaşalar axşam saat 19:00-da başlayacaq.

Azyaşlı tamaşaçılar martın 23-də saat 12:00-da ana dilimizdə “Meşə çaqqalsız olmaz”, 24-də saat 12:00-da isə rus dilində “Bir dayan canavar” musiqili nağıl-tamaşalarına baxa biləcəklər.

Tamaşalarda Xalq artistləri İlham Namiq Kamal, Fatma Mahmudova, Əməkdar artistlər – Ələkbər Əliyev, Əzizağa Əzizov, Novruz Qartal, Almaz Ələsgərova, Svetlana Bulax, Şövqi Hüseynov, Nahidə Orucova, Əkbər Əlizadə, aktyorlar – Məhərrəm Qurbanov, Elxan İsmayılov, Nadir Xasıyev, Emil Heydərov, Gülnarə Abdullayeva, Ağaxan Şərifov, Ülviyyə Əliyeva, Gülnarə Əzizova, Şaban Cəfərov, Yuliya Heydərova, Ruslan Mürsəlov, Gültac Əlili, Telnaz Hüseynova, Mehriban Zalıyeva, Əmrah Dadaşov, Aydan Həsənova və digərləri çıxış edəcək.

Tamaşaçılar biletləri şəhərin bütün teatr-konsert kassalarından və “ASAN xidmət” mərkəzlərindən, eləcə də iticket.az saytından əldə edə bilər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.