SİYASƏT


Akademik Vaqif Fərzəliyev: Gəncə iğtişaşı xalq-iqtidar birliyini pozmağa hesablanmışdı

Bakı, 13 iyul, AZƏRTAC

İnsanı öldürməklə ondan qisas almaq və ya hansısa bir məqsədə çatmaq bütün dövrlərdə cəmiyyət tərəfindən pislənilib. İyulun 10-da bir qrup radikal ünsürün Gəncə şəhərinin mərkəzində qarşıdurma törətməyə cəhd etməsi ölkədə xaos, anarxiya yaratmaq istəyən qüvvələrin əməlləridir. Törədilən iğtişaş insanlarda təşviş yaratmaq, xalq-iqtidar birliyinə xələl gətirməkdən başqa bir məqsəd güdmür.

Bu fikirləri AZƏRTAC-a açıqlamasında Azərbaycan Milli Elmlər Akademiyasının Aşqarlar Kimyası İnstitutunun direktoru, akademik Vaqif Fərzəliyev deyib.

Akademik bildirib ki, Azərbaycanın sürətlə inkişafını, xalq-iqtidar birliyinin gündən-günə möhkəmlənməsini gözü götürməyənlər tərəfindən təşkil olunan bu iğtişaş ölkədə yaranmış siyasi sabitliyə və əmin-amanlığa zərrə qədər təsir edə bilməz. Çünki Azərbaycan xalqı müdrik xalqdır və belə pozucu qüvvələrə çirkin niyyətlərini reallaşdırmağa imkan verməyəcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.