CƏMİYYƏT


Akademik Zərifə Əliyeva adına Milli Oftalmologiya Mərkəzi Milli Mətbuat Günü ilə əlaqədar aksiya keçirib

Bakı, 20 iyul, AZƏRTAC

İyulun 20-də Akademik Zərifə Əliyeva adına Milli Oftalmologiya Mərkəzi 22 iyul - Milli Mətbuat Günü ilə bağlı Bakı və Gəncə filialında “Sağlam baxış, sağlam cəmiyyət” adlı açıq qapı günü keçirib. Tədbir Akademik Zərifə Əliyeva adına Milli Oftalmologiya Mərkəzinin direktoru, Səhiyyə Nazirliyinin baş oftalmoloqu, professor Elmar Qasımovun təşəbbüsü ilə keçirilib.

Mərkəzdən AZƏRTAC-a bildirilib ki, aksiya çərçivəsində kütləvi informasiya vasitələrinin nümayəndələri göz müayinəsindən keçiblər. Mərkəzin yüksəkixtisaslı həkim briqadası xəstəlikləri aşkar olunan media nümayəndələrinə müalicə və eynəklər yazıb, öz tövsiyələrini veriblər. Cərrahiyyə əməliyyatına ehtiyacı olanlar isə əməliyyat olunub.

Akademik Zərifə Əliyeva adına Milli Oftalmologiya Mərkəzinin rəhbərliyi və kollektivi Milli Mətbuat Günü münasibətilə media nümayəndələrini təbrik edir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.