CƏMİYYƏT


Əlcəzair portalı AZƏRTAC-ın UNA-nın tədbirində iştirakından yazıb

Qahirə, 3 avqust, AZƏRTAC

Əlcəzairin “Əl Hərir” portalında İslam Əməkdaşlıq Təşkilatı ölkələrinin Milli İnformasiya Agentlikləri Birliyinin (UNA) bu il noyabrın 15-17-də Əbu-Dabi şəhərində təşkil olunacaq Qlobal Media Konqresi ilə bağlı təqdimatı haqqında AZƏRTAC-ın ərəb dilində xəbəri yayımlanıb.

Materialda qeyd olunub ki, UNA-ya üzv olan 40-dan çox agentliyin rəhbərləri və nümayəndələrinin qatıldığı onlayn formatında keçirilən tədbirdə AZƏRTAC-ın İdarə Heyətinin sədri, UNA-nın Şura üzvü Aslan Aslanov iştirak edib.

Ərəbdilli oxuculara məlumat verilib ki, UNA-nın Baş direktorunun vəzifələrini icra edən Məhəmməd Əbd Rabbi Əl Yami “Media sənayesinin gələcəyinin formalaşması” mövzusunda keçiriləcək Qlobal Media Konqresinin dünyada informasiya sənayesi ilə tanışlıq və cəmiyyətlərin davamlı inkişafında əsas amilə çevrilən bu sahənin gələcək inkişaf istiqamətlərini müəyyənləşdirmək üçün mühüm qlobal platforma hesab edildiyi, tədbirə 200-dən artıq media qurumunun rəhbərinin, 1200-dən çox nümayəndənin qatılacağı barədə məlumat verib.

Oqtay Bayramov

AZƏRTAC-ın xüsusi müxbiri

Qahirə

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.