DÜNYA


Əlcəzairin daha bir sabiq baş naziri həbs edilib

Bakı, 13 iyun, AZƏRTAC

Əlcəzair məhkəməsi ölkənin sabiq baş naziri Əbdülmalik Sellalın həbs olunması barədə qərar qəbul edib.

AZƏRTAC Sky News Arabia telekanalına istinadla xəbər verir ki, hazırda sabiq hökumət başçısı Əbdülmalik Sellal təcridxanada saxlanılır.

Bir gün əvvəl isə Əlcəzairin digər sabiq baş naziri Əhməd Uyahi həbs olunmuşdu. Hər iki məmur ölkənin sabiq prezidenti Əbdüləziz Buteflika zamanında dəfələrlə hökumətə rəhbərlik edib.

Xatırladaq ki, aprelin 2-də Əbdüləziz Buteflika uzun sürən xalq etirazı və ordunun təzyiqi altında prezident postundan istefa verib. Hazırda Əlcəzairdə korrupsiya, dövlət vəsaitinin mənimsənilməsi və xidməti vəzifədən sui-istifadə işləri üzrə bir neçə səs-küylü məhkəmə prosesi davam edir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.