MƏDƏNİYYƏT


Əlcəzairin “əl-Nahar” telekanalında Azərbaycanla bağlı reportaj təqdim edilib VİDEO

Bakı, 16 aprel, AZƏRTAC

Əlcəzairin “əl-Nahar” telekanalında Azərbaycan və paytaxtı Bakı haqqında maraqlı reportaj yayımlanıb.

AZƏRTAC xəbər verir ki, kanalın müxbiri Cəmaləddin Buşa Bakının qədim tarixindən və müasir inkişafından geniş söz açıb, paytaxtımızın bənzərsizliyindən ürəkdolusu danışıb. O, Bakıda kamerasının yaddaşına köçürdüyü bütün gözəllikləri əlcəzairli tamaşaçılara çatdırıb.

Cəmaləddin Buşa reportajda qeyd edir ki, Şərqin Parisi, Qafqazın mirvarisi kimi tanınan Bakı öz gözəllikləri ilə qonaqları heyran edir. Müəllif Yanardağ, Qız qalası, İçərişəhər, Bakı Bulvarı kimi məkanlar haqqında da qısa məlumatlar verir.

Məşhur balaban ustası Əlixan Səmədovun ifasında səslənən xalq mahnılarımız - “Çoban bayatı” və “Sarı gəlin”inin müşayiət ilə təqdim olunan reportaj tamaşaçını Azərbaycana gəlməyə və bu gözəllikləri yaxından görməyə həvəsləndirir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.