DÜNYA


Aleksandr Lukaşenko: Belarusun və Rusiyanın birləşməsi xalqların iradəsindən asılıdır

Bakı, 15 fevral, AZƏRTAC

Belarus və Rusiya hər iki dövlətin xalqlarının iradəsinə uyğun dərəcədə yaxınlaşmağa hazırdır.

AZƏRTAC TASS informasiya agentliyinə istinadla xəbər verir ki, bu barədə Belarus Prezidenti Aleksandr Lukaşenko Rusiyalı həmkarı Vladimir Putinlə danışıqların nəticəsinə dair jurnalistlərin suallarını cavablandırarkən deyib.

Aleksandr Lukaşenko qeyd edib ki, Rusiya-Belarus danışıqlarında suverenitet məsələsi ümumiyyətlə müzakirə edilməyib.

“Biz (Lukaşenko və Putin) elə sabahdan ikilikdə birləşə bilərik, bizim problemimiz yoxdur, lakin siz, ruslar və belaruslar, buna hazırsınızmı? Siz (hər iki ölkənin vətəndaşları) nə qədər hazır olsanız, biz də sizin iradənizi bir o qədər yerinə yetirəcəyik”, - deyə Lukaşenko bildirib.

Onun sözlərinə görə, əgər xalq buna hazır olmasa, Rusiya nə qədər böyük və güclü olsa belə, bu gün kiməsə öz iradəsini diktə etmək iqtidarında deyil.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.